ನೀ ಹುಟ್ಟಿದಾಗ ಆಕೆಗೆ ನೀ ಮಗು ನೀ ಬೆಳೆದಾಗ ಆಕೆ ನಿನ್ನ ಮಗು,

ಅಗಲದಂತೆ ಹಚ್ಚಿಕೊಂಡ ಮೊದಲ ಹೆಗಲು,

ಆರುವ ಹಣತೆಯಲ್ಲ ಆಕೆ ಶಾಶ್ವತ ಹಗಲು

ಅರಿವಿಗಾಗಿ ಕಲಿತಿದ್ದೆಲ್ಲ ಆಕೆಯದೇ ಅನುಕರಣೆ,

ಅವಳಿಗೆ ಮತ್ತೊಂದು ಹೆಸರು ಇದೆ ಅದು ಕರುಣೆ

ಅದೆಷ್ಟೋ ಅಸ್ತಿತ್ವಗಳಿಗೆ ಆಕೆಯ ಹೆಸರಿನದೆ ಗುರುತು,

ಅದೇನೇ ಸಿಕ್ಕರು ಬದುಕಲಾರಳು ನಿನ್ನ ಅಶ್ರಯವ ಮರೆತು

ಅಮೃತವು ಕೂಡ ನಿಷ್ಪ್ರಯೋಜಕ ಆಕೆ ಇಲ್ಲದ ಮೇಲೆ,

ಅರೆ ಗಳಿಗೆ ಇದ್ದರು ಹುಟ್ಟು ಎಂಬುದು ಆಕೆಯದೇ ಲೀಲೆ

ಪ್ರತಿ ಕಣ್ಣುಗಳೋಳಗು ಮೂಡಿದ ಮೊದಲ ಚಿತ್ರ,

ಎಲ್ಲರ ಬದುಕಿನಲು ಅವಳದೆ ಮುಖ್ಯ ಪಾತ್ರ

ಸಾವಿನ ಅಂಚಿನಲಿ ನಡೆದು ಉಸಿರು ನೀಡಿದಳು ನಿನ್ನ ಹೆತ್ತು,

ಸಾವಿರ ಅಪಾಯಗಳ ನಡುವೆಯೂ ನಿನ್ನ ಉಳಿಸಿದ್ದು ಕೈ ತುತ್ತು

ನೀ ಹುಟ್ಟಿದಾಗ ಆಕೆಗೆ ನೀ ಮಗು ನೀ ಬೆಳೆದಾಗ ಆಕೆ ನಿನ್ನ ಮಗು,

ನಿನ್ನ ಗೆಳೆತನವೆ ಆಕೆಯ ಬೀಗು ಪ್ರತಿ ಗೆಲುವು ಅಕೆಯ ಮುಗುಳುನಗು.

(ಜಗತ್ತಿನಲಿ ಪ್ರತಿ ಜೀವಿಗೂ ಪರಿಶುದ್ದ ಪ್ರೀತಿಯನ್ನು ಪರಿಚಯಿಸುವುದೇ ತಾಯಿ, ನಿನ್ನ ದೇಹದಲ್ಲಿ ನಿಸ್ತೇಜಗೊಳ್ಳಬಹುದಾದ ಕಟ್ಟ ಕಡೆಯ ಜೀವಕೋಶದ ಮೇಲು ಆಕೆಯದೇ ಪ್ರದಾನ ಹಕ್ಕು.)